15 nov. 2017

20 DE NOVEMBRO, DÍA UNIVERSAL DA INFANCIA

Cada 20 de novembro, celebramos o Día Universal da Infancia. Este día está adicado a tódolos nenos e nenas do mundo e serve para celebrar os avances conseguidos no referente aos seus dereitos, mais tamén serve para chamar a atención sobre a situación daqueles pequenos que se atopan máis desfavorecidos. Dar a coñecer os dereitos da infancia e concienciar a todos da importancia destes dereitos, o benestar dos pequenos e o respecto polas persoas nos seus primeiros anos de vida, cando son máis vulnerables, é de suma importancia, pois segue habendo nenos e nenas pasando por situacións problemáticas e de necesidade.
Por que o 20 de novembro? 
A Asemblea Xeral da ONU aprobou a Declaración dos Dereitos do Neno o 20 de novembro de 1959. Esta declaración non tiña carácter vinculante de maneira legal e non era suficiente. Despois de anos de negociacións con gobernos de todo o mundo, ONGs, líderes relixiosos e outras institucións, logrouse acordar o texto final da Convención sobre os Dereitos do Neno o 20 de novembro de 1989. Os puntos acordados nesta convención son de obrigado cumprimento para todos os países que a firmaron.
O Día Universal da Infancia fomentamos a fraternidade entre todos os nenos e nenas do mundo e promovemos o seu benestar. Neste día recordamos que os nenos son o colectivo máis vulnerable e o que máis sufre as crisis e os problemas do mundo.
Adicar un día internacional á infancia serve para concienciar sobre as necesidades dos máis pequenos e seguir traballando para que teñan un futuro mellor. Tamén para recordar que todos os nenos teñen dereito á saúde, á educación e á protección, independientemente do lugar do mundo onde naceran.  

UNICEF é a principal organización internacional que se encarga de protexer os dereitos da infancia e conseguir cambios reales nas vidas dos nenos.
No blog temos moitos recursos para traballar este tema, así que vos remitimos a este enlace:


                    DÍA UNIVERSAL DOS DEREITOS DA INFANCIA

E mentras tanto, podedes escoitar este rap en galego sobre os dereitos dos nenos e das nenas!!

MES DA CIENCIA E OS " PROXECTOS MAKER EUROPEOS"

Seguimos traballando a temática da ciencia englobada dentro do PDI deste curso e o Proxecto Erasmus +. Nas aulas estanse a facer traballos de búsqueda de información e investigación sobre os científicos homenaxeados no Día da Ciencia en Galego e os monumentos da Unión Europea, sobre os cales se van a facer maquetas para non deixar de lado os " Proxectos Maker" que iniciamos o curso pasado.
Para guiar esta búsqueda de información, elaboráronse uns " Puca quere saber..."  con preguntas e recursos onde poder consultar. O Big Ben, O Arco de Triunfo, O Coliseo de Roma...son algúns deles e estas son unhas mostras dos traballos que se están a facer nas aulas, tamén as adaptacións que se realizan para traballar coa diversidade do alumnado e así todos poidan participar.








8 nov. 2017

NOVEMBRO, MES DE CIENCIA EN GALEGO.

     


Despois de estar inmersos no mes do medo, chéganos novembro con moita ciencia! Dende as BIBLIOTECAS ESCOLARES DE GALICIA chégannos unha serie de RECOMENDACIÓNS e RECURSOS para traballar ao longo do mes. Tamén podemos ler o MANIFESTO que escribiu a investigadora Peregrina Quintela Estévez.


En BIBLIOCERVO xa nos puxemos mans á obra e a zona de exposicións da biblioteca  acolle unha mostra  de carteis que descargamos da páxina de IGACIENCIA, libros sobre DARWIN e sobre DOMINGO FONTÁN, os científicos que imos a coñecer e traballar este mes.

Para iso, elaborouse un PUCA QUERE SABER...que as nenas e nenos poden facer en grupos colaborativos, nos recreos de ciencia deste mes. 



Por outra banda, seguimos cos proxectos Maker que este curso teñen un aire moi europeo, posto que cada aula vai montar a maqueta dun monumento famoso dos diferentes países da EU incorporándolles melloras, como son, luz, xeo localización, etc.
Pero todas estas actividades están na carta que Puca nos mandou  dos meses de novembro e decembro e que de seguro léstedes na súa entrada!
Seguirémosvos informando do noso traballo!

CARTA DE PUCA MESES DE NOVEMBRO E DECEMBRO

Como ven a carta de Puca destes dous meses!!! Cheíña de propostas e actividades; claro, como novembro é o MES da CIENCIA EN GALEGO, temos moito que investigar e aprender sobre este tema. Menos mal que despois chega decembro: o Nadal, o amigo invisible...lede, lede e xa veredes que ben o imos pasar!!!

OBRADOIROS DE COCIÑA...MONSTRUOSA!!

Ao longo do mes de outubro traballouse o tema de  O MEDO, o SAMAÍN  e o HALLOWEEN na aula Bulebule de inglés, cos recursos que temos recompilados neste blog  e con fondos da biblioteca. Víronse morcegos, arañas, vampiros, cabazas de medo...





 

E despois de tanto traballo, non tivemos mellor forma de rematar o mes de outubro, o mes do MEDO, que con  obradoiros de cociña que nós chamamos monstruosa. Como xa ven sendo habitual no cole, organizamos grupos de nenas e nenos interniveis: por unha banda os de Ed. Primaria e por outra os de Ed. Infantil. En total, cinco grupos cos maiores e ...os  máis pequeniños do cole.
Despois dunha elaborada preparación, tal e como podedes ver nas fotos, xuntámonos todos para dar boa conta da monstruosa merenda, que non lle quita a fame  a ninguén, porque zampamos todo nun abrir e pechar de ollos!!
Estas son as imaxes!!

                           

5 nov. 2017

CERVO ALÉN DE EUROPA...E CHEGAMOS A EXIPTO!!!


Este curso estamos moi pero que moi viaxeiros, porque si no proxecto Erasmus viaxamos por Europa, a través dos libros do PLAN ANUAL de LECTURA ( PAL) chegamos a Exipto. Na clase de 5º curso estamos a ler " A ánfora exipcia ", da escritora An Alfaya., que xa nos visitou en cursos pasados para falarnos doutros libros que nos gustaron  moito.


Cando comezamos a lectura, comprobamos  que o libro falaba moito de Exipto, da súa cultura, de animais sagrados...e tivemos curiosidade por saber máis deste país tan diferente ao noso. A través da titora puxémonos en contacto vía vídeo chamada cun neno de orixe galega, pero que vive en Exipto dende os oito meses.Escribimos as preguntas que nos interesaba saber e Adrián, que así se chama este neno, contestounos nun perfecto galego, porque aínda que el vai a un colexio internacional onde estuda inglés e árabe, non esquece a lingua galega, que practica coa súa nai e coa familia galega.
Foi unha conversa moi agradable e serviunos para aprender moitas cousas do Exipto actual, xa que aínda que relacionamos a este país coas momias e os faraóns, Adrián estaba vestido coma nós!!






Días pasados fíxonos chegar á clase un pergamino exipcio e unha libra. Esta experiencia despertou aínda máis a nosa curiosidade, así que agora estamos a coñecer os números exipcios, o seu alfabeto...
Queremos darlle as gracias a Adrián por falar con nós e contarnos tantas cousas, seguimos en contacto!!!

28 oct. 2017

OUR SETTINGS ou A NOSA CONTORNA.

Dentro das actividades do PDI anual e do  Proxecto Erasmus “Cervo Alén de Europa: United Throught Creativity” , proponse as familias unha actividade colaborativa que  leva por título “Our Settings” ou “A Nosa Contorna”.
Para levala a cabo enviouselles  ás s familias unha carta explicativa da actividade, que consiste en realizar unha foto do lugar onde viven, pegala nunha cartolina branca tamaño A4, decorar o marco e traela ao cole antes do 10 de novembro. Posteriormente, as nenas e nenos de Ed. Primaria,  na clase de inglés escribirán un poema dese lugar, mentras que os de Ed. Infantil ilustrarano con debuxos ou pictos. 
Finalmente, estes traballos serán dixitalizados para compartir cos nosos socios amigos do Proxecto Erasmus e así dar a coñecer a nosa contorna. No colexio faremos unha exposición no "Recanto Erasmus" que estamos a crear no corredor da entrada.
Así que dende BIBLIOCERVO animámosvos a colaborar e por si tedes algunha dúbida, podedes consultar a carta explicativa neste enlace: